హరీశ్‌ రావు పిలుపు!
ప్రచారంలో దొర్లిన మాట
సోషల్‌ మీడియాలో వీడియో వైరల్‌
(అమ్మన్యూస్‌, సిద్దిపేట):
అవాక్కయ్యారా.. అవును మీరు విన్నది నిజమే.. కాంగ్రెస్‌కు ఓటేయ్యాలని స్వయంగా మాజీమంత్రి హరీశ్‌రావు అన్నారు. సిద్దిపేటలో ఆయన ప్రచారం చేస్తున్నప్పుడు దొర్లిన మాట. శుక్రవారం సిద్దిపేట జిల్లా హుస్నాబాద్‌ నియోజకవర్గంలో కరీంనగర్‌ బీఆర్ఎస్ అభ్యర్థి వినోద్‌కు మద్దతుగా ప్రచారం చేశారు. ఈ సందర్భంగా హరీశ్‌ మాట్లాడుతూ అమ్మలు.. అక్కలు.. అన్నలు.. తమ్ముళ్లు.. రైతన్నలు అందరూ కాంగ్రెస్‌కే ఓటేయండి అన్నారు. దీంతో ఆయన అన్న మాటలు ఇప్పుడు సోషల్‌ మీడియాలో జోరుగా చక్కర్లు కొడుతోంది.
ఇదిలా ఉంటే బీజేపీ నాయకులు సైతం ఈ వీడియోను రీ ట్వీట్‌ చేస్తూ ‘ఇదిగో.. బీఆర్ఎస్, కాంగ్రెస్‌ ఒక్కటే’ అంటూ ప్రచారం చేస్తున్నారు. మేము ముందు నుంచి ఇదే చెబుతున్నామని అంటున్నారు. బీఆర్ఎస్, కాంగ్రెస్‌ బైబై అంటూ ట్రోల్‌ చేస్తున్నారు.
